ਭਾਈ ਹਰਜਿੰਦਰ ਸਿੰਘ ਸ੍ਰੀਨਗਰ ਵਾਲਿਆਂ ਰਿਲੀਜ ਕੀਤਾ ਬਾਬਾ ਸ੍ਰੀ ਚੰਦ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ‘ਕੇਸਰੀ ਵਿਰਾਸਤ’ ਦਾ ਵਿਸ਼ੇਸ਼ ਅੰਕ ਅਤੇ ‘ਵਿਰਾਸਤ ਡਿਵਾਈਨ’ ਦਾ ਧਾਰਮਿਕ ਗੀਤ

Special issue of ‘Kesari Virasat’ and religious song by ‘Virasat Divine’ released on the occasion of Baba Sri Chand Ji’s Prakash Purab.

*ਜਲੰਧਰ: (ਕੇਸਰੀ ਵਿਰਾਸਤ ਨਿਊਜ਼ ਨੈੱਟਵਰਕ ):-
ਬਾਬਾ ਸ੍ਰੀ ਚੰਦ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਉਨ੍ਹਾਂ ਦੀ ਮਹਾਨ ਅਧਿਆਤਮਿਕ ਵਿਰਾਸਤ ਅਤੇ ਉਦਾਸੀਨ ਸੰਤ ਪਰੰਪਰਾ ਦੀ ਘਾਲਣਾ ਨੂੰ ਸਮਰਪਿਤ *‘ਕੇਸਰੀ ਵਿਰਾਸਤ’* ਦਾ ਵਿਸ਼ੇਸ਼ ਅੰਕ ਪ੍ਰਮੁੱਖ ਧਾਰਮਿਕ ਸ਼ਖ਼ਸੀਅਤ *ਭਾਈ ਹਰਜਿੰਦਰ ਸਿੰਘ ਜੀ ਸ੍ਰੀਨਗਰ ਵਾਲੇ* ਅਤੇ *ਮਹਾਂਮੰਡਲੇਸ਼ਵਰ ਸੁਆਮੀ ਸ਼ਾਂਤਾ ਨੰਦ ਜੀ, ਗੋਪਾਲ ਨਗਰ ਵਾਲਿਆਂ* ਵੱਲੋਂ ਰਿਲੀਜ਼ ਕੀਤਾ ਗਿਆ।

ਇਸ ਵਿਸ਼ੇਸ਼ ਅੰਕ ਵਿੱਚ ਬਾਬਾ ਸ੍ਰੀ ਚੰਦ ਜੀ ਦੇ ਜੀਵਨ, ਤਪੱਸਿਆ, ਅਧਿਆਤਮਿਕ ਚਿੰਤਨ ਅਤੇ ਉਦਾਸੀਨ ਪਰੰਪਰਾ ਦੇ ਭਾਰਤੀ ਗਿਆਨ ਅਤੇ ਸੰਤ ਪਰੰਪਰਾ ਵਿੱਚ ਯੋਗਦਾਨ ਨੂੰ ਉਜਾਗਰ ਕੀਤਾ ਗਿਆ ਹੈ।

ਇਸ ਮੌਕੇ *‘ਵਿਰਾਸਤ ਡਿਵਾਈਨ’ ਚੈਨਲ* ਵੱਲੋਂ ਵੀ ਬਾਬਾ ਸ੍ਰੀ ਚੰਦ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਇੱਕ ਵਿਸ਼ੇਸ਼ ਧਾਰਮਿਕ ਗੀਤ ਰਿਲੀਜ਼ ਕੀਤਾ ਗਿਆ। ਇਹ ਗੀਤ *ਬਾਬਾ ਸ੍ਰੀ ਚੰਦ ਜੀ ਅਤੇ ਉਦਾਸੀਨ ਸੰਤਾਂ ਦੀ ਲੰਮੀ ਅਧਿਆਤਮਿਕ ਘਾਲਣਾ, ਤਪੱਸਿਆ ਅਤੇ ਮਨੁੱਖਤਾ ਪ੍ਰਤੀ ਸਮਰਪਣ* ਨੂੰ ਨਮਨ ਕਰਦਾ ਹੈ।

ਧਾਰਮਿਕ ਗੀਤ ਰਾਹੀਂ ਬਾਬਾ ਸ੍ਰੀ ਚੰਦ ਜੀ ਦੀ ਅਧਿਆਤਮਿਕ ਵਿਰਾਸਤ ਅਤੇ ਉਦਾਸੀਨ ਸੰਤ ਪਰੰਪਰਾ ਦੇ ਸੰਦੇਸ਼ ਨੂੰ ਸੰਗੀਤ ਦੇ ਮਾਧਿਅਮ ਰਾਹੀਂ ਨਵੀਂ ਪੀੜ੍ਹੀ ਤੱਕ ਪਹੁੰਚਾਉਣ ਦਾ ਯਤਨ ਕੀਤਾ ਗਿਆ ਹੈ। ‘ਵਿਰਾਸਤ ਡਿਵਾਈਨ’ ਵੱਲੋਂ ਇਸ ਉਪਰਾਲੇ ਨੂੰ ਭਾਰਤੀ ਸੰਤ-ਸਾਧ ਪਰੰਪਰਾ ਦੀ ਰੂਹਾਨੀ ਧੁਨ ਨੂੰ ਆਧੁਨਿਕ ਮੀਡੀਆ ਰਾਹੀਂ ਲੋਕਾਂ ਤੱਕ ਪਹੁੰਚਾਉਣ ਵੱਲ ਇੱਕ ਕਦਮ ਦੱਸਿਆ ਗਿਆ।

ਇਸ ਮੌਕੇ ਬੋਲਦਿਆਂ ਭਾਈ ਹਰਜਿੰਦਰ ਸਿੰਘ ਜੀ ਸ੍ਰੀਨਗਰ ਵਾਲਿਆਂ ਨੇ ਬਾਬਾ ਸ੍ਰੀ ਚੰਦ ਜੀ ਦੀ ਅਧਿਆਤਮਿਕ ਵਿਰਾਸਤ ਨੂੰ ਯਾਦ ਕਰਦਿਆਂ ਅਜਿਹੇ ਉਪਰਾਲਿਆਂ ਦੀ ਸ਼ਲਾਘਾ ਕੀਤੀ। ਮਹਾਂਮੰਡਲੇਸ਼ਵਰ ਸੁਆਮੀ ਸ਼ਾਂਤਾ ਨੰਦ ਜੀ ਨੇ ਵੀ ਸੰਤ ਪਰੰਪਰਾ ਦੀਆਂ ਮਹਾਨ ਸਿੱਖਿਆਵਾਂ ਨੂੰ ਸਮਾਜ ਅਤੇ ਨਵੀਂ ਪੀੜ੍ਹੀ ਤੱਕ ਪਹੁੰਚਾਉਣ ਦੀ ਲੋੜ ’ਤੇ ਜ਼ੋਰ ਦਿੱਤਾ।

*‘ਕੇਸਰੀ ਵਿਰਾਸਤ’ ਦਾ ਵਿਸ਼ੇਸ਼ ਅੰਕ ਅਤੇ ‘ਵਿਰਾਸਤ ਡਿਵਾਈਨ’ ਦਾ ਇਹ ਧਾਰਮਿਕ ਗੀਤ—ਦੋਵੇਂ ਉਪਰਾਲੇ ਬਾਬਾ ਸ੍ਰੀ ਚੰਦ ਜੀ ਦੀ ਮਹਾਨ ਵਿਰਾਸਤ ਅਤੇ ਉਦਾਸੀਨ ਸੰਤ ਪਰੰਪਰਾ ਨੂੰ ਸ਼ਰਧਾ-ਸੁਮਨ ਅਰਪਿਤ ਕਰਦੇ ਹਨ।*